കേരള ബ്ലാസ്റ്റേഴ്സിന്റെ യുവതാരം കൊച്ചി വിട്ടു. 2017ൽ ബ്ലാസ്റ്റേഴ്സിലെത്തിയ ദീപേന്ദ്ര‌സിംഗ് നേഗിയാണ് ക്ലബ്ബ് വിട്ടത്. കേരള ബ്ലാസ്റ്റേഴ്സ് ആരാധക കൂട്ടായ്മയായ മഞ്ഞപ്പടയോട് നന്ദി പറഞ്ഞാണ് നേഗി കേരളം വിട്ട കാര്യമറിയിച്ചത്. മുൻ ഇന്ത്യൻ U17 ക്യാപ്റ്റൻ കൂടിയായിരുന്നു നേഗി. ബ്ലാസ്റ്റേഴ്സിൽ അദ്ഭുതം സൃഷ്ടിക്കാൻ ഡേവിഡ് ജെയിംസാണ് നേഗിയെ ബ്ലാസ്റ്റേഴ്സിലേക്കെതിച്ചത്.
തുടക്കത്തിൽ മരണമാസ്സായിരുന്ന നേഗി പിന്നീട് ആദ്യ ഇലവനിൽ എത്താതെയായി. രണ്ട് സീസണുകളായി ബ്ലാസ്റ്റേഴ്സിനൊപ്പമായിരുന്നു നേഗി. ആദ്യ ഗോൾ നേടിയപ്പോൾ മഞ്ഞപ്പട ഉയർത്തിയ ആരവം ഇപ്പോളും കാതുകളിൽ നിന്നും പോയിട്ടില്ലെന്നും യുവതാരം കുറിച്ചു. അടുത്തതായി ഏത് ക്ലബ്ബിലെത്തുമെന്ന് നേഗി വ്യക്തമാക്കിയിട്ടില്ല.
-Advertisement-