പ്രവാസി കേരള ബ്ലാസ്റ്റേഴ്സ് ആരാധകർക്ക് ആവേശമുയർത്തി പ്രീസീസൺ തുടങ്ങുന്നു . കേരള ബ്ലാസ്റ്റേഴ്‌സിന്റെ ഇത്തവണത്തെ പ്രീ സീസൺ സെപ്റ്റംബറിൽ ഷാർജയിൽ വെച്ചാകും നടക്കുക. രണ്ടാഴ്ചയോളം നീണ്ടു നിൽക്കുന്ന ടൂറിൽ കേരള ബ്ലാസ്റ്റേഴ്സ് യു എ ഇയിലെ ലോക്കൽ ക്ലബ്ബുകളുമായി സൗഹൃദ മത്സരങ്ങളിൽ പങ്കെടുക്കുകയും ചെയ്യും. പുതിയ സീസണിൽ പുതിയ പരിശീലകനായ എൽകോ ഷറ്റോരിയോടൊപ്പമായിരിക്കും മഞ്ഞപ്പട ഷാർജയിൽ എത്തുക. സെപ്റ്റംബർ 28 വരെ ബ്ലാസ്റ്റേഴ്സ് യൂഎഈയിൽ തുടരും.
ബ്ലാസ്റ്റേഴ്‌സിന്റെ ജേഴ്‌സിയിൽ പുതിയതായി ബ്ലാസ്റ്റേഴ്സ് ടീമിലെത്തിച്ച താരങ്ങളെയും ആദ്യമായി കാണാം. പുതിയ സൈനിംഗുകളായ ഒഗ്ബചെ, സിഡോഞ്ച, ആർകസ്, സുയിവർലൂൺ, മൗസ്തഫ എന്നിവരൊക്കെ പ്രീസീസൺ ക്യാമ്പിൽ കേരള ബ്ലാസ്റ്റേഴ്സിനൊപ്പം ഉണ്ടാകും.കഴിഞ്ഞ സീസണിലെ മോശം പ്രകടനത്തിന്റെ ചീത്തപ്പേര് മാറ്റാനാണ് ബ്ലാസ്റ്റേഴ്‌സിന്റെ ശ്രമം.
-Advertisement-