കേരള ബ്ലാസ്റ്റേഴ്‌സ് തിരഞ്ഞെടുത്തതിനുള്ള കാരണം വ്യക്തമാക്കി മലയാളി യുവതാരം രാഹുൽ കെപി. മലയാളികളുടെ സ്വന്തം ക്ലബായ കേരള ബ്ലാസ്റ്റേഴ്‌സിൽ കളിയ്ക്കാൻ ലഭിക്കുന്ന അവസരം ഏതെങ്കിലും മലയാളി നഷ്ടമാകുമോ എന്നാണ് രാഹുൽ ചോദിക്കുന്നത്. തന്റെ കുടുംബത്തിന് നേരിട്ട് സ്റേഡിയത്തിലെത്തി തന്റെ കളികാണാൻ അവസരം ലഭിക്കും.
ബ്ലാസ്‌റ്റേഴ്‌സിനെ നെഞ്ചിലേറ്റുന്ന ആരാധകരുടെയും മുന്നിൽ കളിയ്ക്കാൻ തനിയ്ക്ക് ആഗ്രഹമുണ്ടെന്നും അദ്ദേഹം കൂട്ടിച്ചേർത്തു. U-17 ലോകകപ്പിൽ കളിച്ച ഇന്ത്യൻ ടീമിൽ അംഗമായിരുന്ന രാഹുൽ നിലവിൽ ഇന്ത്യൻ ആരോസിന്റെ താരമാണ്. ഈ സീസണിൽ വമ്പൻ പ്രകടനം കാഴ്ചവെച്ച രാഹുലിനെ ബ്ലാസ്റ്റേഴ്‌സ് സ്വന്തമാക്കുകയായിരുന്നു. ഈ സീസണിൽ മൂന്നു ഗോളുകൾ നേടാനും രാഹുലിന് കഴിഞ്ഞു.
ഐ ലീഗിൽ കോഴിക്കോട് വെച്ച് ഗോകുലത്തിനെതിരെ അടിച്ച തകർപ്പൻ ഗോൾ മലയാളി ഫുട്ബോൾ ആരാധകർ മറക്കാൻ ഇടയില്ല. മഞ്ഞപ്പടയുടെ സഹലിനൊപ്പം അണ്ടർ 23 എ എഫ് സി ചാമ്പ്യൻഷിപ്പിനായുള്ള ഇന്ത്യൻ ടീമിൽ ഇടം നേടാനും രാഹുലിന് സാധിച്ചിട്ടുണ്ട്