കോപ അമേരിക്ക ഫൈനലിൽ കടന്ന് ബ്രസീൽ. അർജന്റീനയെ തകർത്താണ് ബ്രസീൽ ഫൈനലിൽ കടന്നത്. എതിരില്ലാത്ത രണ്ടു ഗോളുകൾക്കായിരുന്നു ബ്രസീലിന്റെ വിജയം. പെറു – ചിലി മത്സരത്തിലെ വിജയികളാണ് ഫൈനലിൽ ഇനി ബ്രസീലിന്റെ എതിരാളികൾ. ബ്രസീലിന് വേണ്ടി ജെസൂസും റോബർട്ടോ ഫിർമിനോയുമാണ് ഗോളുകൾ അടിച്ചത്.
വെടിക്കെട്ട് പ്രകടനമാണ് ബ്രസീലിന്റെ തുണയ്‌ക്കെത്തിയത്. ഒറ്റക്ക് നിന്ന് പൊരുതിയ മെസ്സിക്ക് അർജന്റീനയെ ഫൈനലിൽ എത്തിക്കാൻ സാധിച്ചില്ല. ആദ്യ പകുതിയിൽ ജെസൂസ് ബ്രസീലിനു വേണ്ടി ഗോളടിച്ചു. പിന്നീട് ഗോൾ മടക്കാൻ അർജന്റീന ശ്രമിച്ചെങ്കിലും നടന്നില്ല. അഗ്യൂറോയും മെസ്സിയും ബോക്സ് കടന്നെങ്കിലും പോസ്റ്റ് പലപ്പോളും വില്ലനായി. ഫിർമിനോ ആണ് ബ്രസീലിന്റെ വിജയം ഉറപ്പിച്ച രണ്ടാം ഗോൾ നേടിയത്.
-Advertisement-