ഇന്ത്യൻ സൂപ്പർ ലീഗിലെ ആദ്യ അങ്കത്തിൽ കേരള ബ്ലാസ്റ്റേഴ്സിനെ നേരിടാനായി എ ടി കെ കൊൽക്കത്ത കച്ച മുറുക്കിക്കഴിഞ്ഞുവെന്നു കോപ്പലാശാൻ. മുൻ കേരള ബ്ലാസ്റ്റേഴ്സ് പരിശീലകൻ കൂടിയായ കോപ്പൽ മഞ്ഞപ്പടയെ കുറിച്ച് പറയുകയും ചെയ്തു. മികച്ച ടീമാണ് ബ്ലാസ്റ്റേഴ്സ് എന്നും അവരെ തോൽപ്പിക്കാൻ സുസജ്ജമാണ് എ ടി കെ എന്നും ആശാൻ കൂട്ടിച്ചേർത്തു. സെപ്റ്റംബർ 29നാണ് കേരള ബ്ലാസ്റ്റേഴ്സും എ ടികെ കൊൽക്കത്തയും തമ്മിലുള്ള പോരാട്ടം.
കേരള ബ്ലാസ്റ്റേഴ്സ് വിടാൻ ആഗ്രഹിച്ചിരുന്നില്ലെന്നു കോപ്പലാശാൻ പറഞ്ഞിരുന്നു. കോപ്പലിനു പകരം കഴിഞ്ഞ സീസണിൽ റെനെ മുളൻസ്റ്റീനെ കേരള ബ്ലാസ്റ്റേഴ്സിന്റെ പരിശീലകനായി മാനേജ്‌മെന്റ് കൊണ്ട് വരികയായിരുന്നു. സീസണിന്റെ മധ്യത്തോടെ റെനെ മഞ്ഞപ്പട വിട്ടു പോവുകയും ചെയ്തു. തുടർന്നാണ് താൽകാലിക പരിശീലകനായി ഡേവിഡ് ജെയിംസ് എത്തുന്നതും ഈ സീസണിലും പരിശീലകനായി ജെയിംസ് തുടരുന്നതും.