കേരള ബ്ലാസ്റ്റേഴ്സ് ആരാധകർക്ക് ആശ്വസിക്കാം. നീണ്ട നാളത്തെ കാത്തിരിപ്പിന് ശേഷം കേരള ബ്ലാസ്റ്റേഴ്സിലെ നോർത്ത് ഈസ്റ്റ് യുഗം അവസാനിച്ചു. മഞ്ഞപ്പടയുടെ സഹ പരിശീകനായ തങ്ബോയ് സിംഗ്ടോ പുറത്ത്. പുതിയ അസിസ്റ്റന്റ് കോച്ചായി ഇഷ്ഫാഖ് അഹമ്മദ് വന്നതിനെ തുടർന്നാണ് സിംഗ്ടോ പുറത്തായത്.
കേരള ബ്ലാസ്റ്റേഴ്സിലേക്ക് നോർത്ത് ഈസ്സ്റ്റ് താരങ്ങളുടെ കുത്തൊഴുക്കിന് കാരണം സിഗ്ടോ ആയിരുന്നു. ഒരു ഘട്ടത്തിൽ ഇത് കേരളത്തിലെ ടീമോ അതോ നോർത്ത് ഈസ്റ്റ് ടീമോ എന്ന് ആരാധകർ വരെ ചോദിച്ചിരുന്നു. ബ്ലാസ്റ്റേഴ്സ് പരിശീലകരായിരുന്ന റെനെയുടെയും ജെയിംസിന്റെയും പരാജയത്തിനും സിംഗ്ടോ തുടർച്ചയായി വിമർശനം നേരിടാറുണ്ടായിരുന്നു.
എൽകോ ഷറ്റോരിയും പുതിയ മാനേജ്മെന്റും സിംഗ്ടോയെ പുറത്തേക്ക് വഴി കാണിക്കാൻ അധികം സമയമെടുത്തില്ല. തുടർച്ചയായ മലയാളി താരങ്ങൾ ടീമിൽ വന്നത് അതിനുള്ള സൂചനയായിരുന്നു. 2 സീസൺ മുമ്പായിരുന്നു ഷില്ലോങ്ങ് ലജോങിന്റെ പരിശീലക സ്ഥാനം ഉപേക്ഷിച് സിങ്ടോ കേരള ബ്ലാസ്റ്റേഴ്സിൽ എത്തിയത്.