തായ്ലന്റിൽ നടക്കുന്ന കിംഗ്സ് കപ്പിൽ ഇന്ത്യക്ക് തകർപ്പൻ ജയം. അപ്രതീക്ഷിതമായാണ് ഇന്ത്യ ജയം സ്വന്തമാക്കിയത്. അനിരുദ്ധ് ഥാപ്പയുടെ ഏക ഗോളിനാണ്‌ തായ്ലാന്റിനെ പരാജയപ്പെടുത്തിയത്. ഇന്ത്യൻ പരിശീലകൻ സ്റ്റിമാച്ചിന്റെ ആദ്യ ജയം കൂടിയാണ് ഇന്നതേത്.
ഇതോടെ മൂന്നാം സ്ഥാനം കിംഗ്സ് കപ്പിൽ സ്വന്തമാക്കാൻ ഇന്ത്യക്ക് കഴിഞ്ഞു. ആദിൽ ഖാന്റെ ഒരു ഇടം കാലൻ ക്രോസ് ടാപിൻ ചെയ്തായിരുന്നു അനിരുദ്ധ് ഥാപ ഗോളടിച്ചത്. പ്രമുഖ താരങ്ങൾ ഒന്നുമില്ലാതെയാണ് ആദ്യം ഇന്ത്യ ഇറങ്ങിയത്. മത്സരത്തിൽ ബ്ലാസ്റ്റേഴ്സിന്റെ യുവതാരം സഹൽ അബ്ദുൾ സമദ് മികച്ച പ്രകടനമാണ് കാഴ്ച്ച വെച്ചത്.
-Advertisement-