ചാമ്പ്യന്മാരായ ബെംഗളൂരു കലിപ്പടക്കിയപ്പോൾ ഗോകുലത്തിനെ കാത്തിരുന്നത് വമ്പൻ തോൽവി. ഒന്നിനെതിരെ നാല് ഗോളുകൾക്കാണ് ബെംഗളൂരു എഫ്.സി ഗോകുലം കേരളയെ തകർത്തത്. ബെംഗളൂരു എഫ് സിക്ക് വേണ്ടി മിക്കു ഹാട്രിക് നേടിയപ്പോൾ മറ്റൊരു ഗോൾ ക്യാപ്റ്റൻ സുനിൽ ഛേത്രി നേടി. ഗോകുലം കേരളയുടെ ആശ്വാസ ഗോൾ നേടിയത് ഉഗാണ്ടൻ താരം എറിസ സെകിസംബുവാണ്.
ഇതിനു മുൻപും ഇരു ടീമുകളും ഏറ്റുമുട്ടിയപ്പോൾ പരാജയം ഗോകുലത്തിനു തന്നെയായിരുന്നു. അന്ന് സൂപ്പർ കപ്പിൽ പൊരുതി തോറ്റാണ് ഗോകുലം മടങ്ങിയത്. കഴിഞ്ഞ ദിവസം പ്രീ സീസൺ സൗഹൃദ മത്സരത്തിൽ ഗോകുലം കേരള എ.ടി.കെയെ തോല്പിച്ചിരുന്നു. എന്നാൽ ഇന്ന് മികച്ച പ്രകടനം പുറത്തെടുക്കാൻ ഗോകുലത്തിനായില്ല.
-Advertisement-