കേരള ബ്ലാസ്റ്റേഴ്‌സിലേക്ക് ചുവട് മാറ്റാനൊരുങ്ങി ഗോകുലം എഫ്സിയുടെ പരിശീലകന്‍ ബിനോ ജോര്‍ജ്ജ്. ബ്ലാസ്റ്റേഴ്സ് ന്യൂസിന് ലഭിക്കുന്ന വിവരമനുസരിച്ച്‌ താരങ്ങളെ ടീമിലെത്തിക്കുന്നതിനായുള്ള ചുമതല വഹിക്കാൻ കേരള ബ്ലാസ്റ്റേഴ്‌സില്‍ ബിനോ ജോര്‍ജ്ജ് എത്തും. വിദേശ മാനേജര്‍ എൽകോ ഷറ്റോരി ബ്ലാസ്റ്റേഴ്‌സില്‍ എത്തുന്നതിനു പിന്നാലെയാണ് ബ്ലാസ്റ്റേഴ്‌സില്‍ ബിനോയെ എത്തിക്കാനാണ് ശ്രമം തുടങ്ങിയത്.
ട്രാൻസ്ഫർ പോളിസികൾ തീരുമാനിക്കുന്ന ആൾ എന്നതിന് പുറമെ ബ്ലാസ്റ്റേഴ്‌സിലേക്ക് കളിക്കാരെ സ്‌കൗട്ട് ചെയ്യുന്നതിനുള്ള ചുമതലയും ബിനോ ജോര്‍ജ്ജിന് തന്നെയായിരിക്കും. കേരള ബ്ലാസ്റ്റേഴ്സ് മുന്‍ പരിശീലകന്‍ ഡേവിഡ് ജെയിംസിനെ പുറത്താക്കിയപ്പോള്‍ ഉയര്‍ന്നു കേട്ടിരുന്ന പേര് ഗോകുലത്തിന്റെ ബിനോ ജോര്ജിന്റെയായിരുന്നു.
കേരളത്തിലെ ഫുട്ബോൾ ടാലന്റുകളെ അരിച്ചു പെറുക്കിയെടുത്ത് മഞ്ഞപ്പടയിൽ എത്തിക്കുകയാകും ബിനോയുടെ മുൻപിലുള്ള പ്രധാന കടമ്പ. അക്രമണ ഫുട്ബോളിന്റെ ആശാൻ ഷറ്റോരിയും പുതിയ ടാലന്റുകളെ കണ്ടെത്താൻ ബിനോ ജോർജ്ജും ഒന്നിക്കുമ്പോൾ കേരള ബ്ലാസ്റ്റേഴ്സ് ആരാധകരുടെ പ്രതീക്ഷകൾ വാനോളമാണ്.