വീണ്ടും ഒരു ട്രാൻസ്ഫറുമായി ആരാധകരെ ഞെട്ടിക്കാൻ ഒരുങ്ങുകയാണ് കേരള ബ്ലാസ്റ്റേഴ്സ്. നോർത്ത് ഈസ്റ്റ് യുണൈറ്റഡിന്റെ സൂപ്പർ താരം ഒഗ്ബച്ചേയെ റാഞ്ചാനാണ് മഞ്ഞപ്പട ശ്രമിക്കുന്നത്. ഇന്ത്യൻ സൂപ്പർ ലീഗ് ചരിത്രത്തിൽ ആദ്യമായി നോർത്ത് ഈസ്റ്റ് യുണൈറ്റഡിനെ പ്ലേ ഓഫിലെത്തിക്കാൻ നായകനായ ഒഗ്ബച്ചെക്ക് സാധിച്ചു.
കഴിഞ്ഞ സീസണിൽ നിർണായകമായ 12 ഗോളുകളാണ് ഒഗ്ബച്ചേ ഹൈലാൻഡേഴ്സിനായി അടിച്ചത്. ബ്ലാസ്റ്റേഴ്സിന്റെ നിലവിലെ പരിശീലകൻ എൽകോ ഷറ്റോറിയുടെ കീഴിൽ മികച്ച പ്രകടനം കാഴ്ച്ച വെച്ച ഒഗ്ബച്ചേ കോച്ചിന് പിന്നാലെ കൊച്ചിയിലെത്തുമെന്നാണ് കരുതപ്പെടുന്നത്. പിഎസ്ജിയിലൂടെയാണ് ഈ നൈജീരിയൻ സൂപ്പർ താരം ഫുട്ബോൾ ലോകത്ത് അറിയപ്പെടുന്ന താരമായത്. സൂപ്പർ താരം ക്ലബ്ബ് വിട്ട വിവരം നോർത്ത് ഈസ്റ്റ് യുണൈറ്റഡ് സ്ഥിതികരിച്ചിട്ടുണ്ട്.
-Advertisement-