2017ലെ അണ്ടര്‍ 17 ലോക കപ്പിനിറങ്ങിയ ഇന്ത്യന്‍ ടീം താരത്തെ കേരള ബ്ലാസ്റ്റേഴ്‌സ് ടീമിലേക്ക് എത്തിക്കുന്നു. ഇന്ത്യക്ക് വേണ്ടി ചരിത്രത്തിൽ ആദ്യമായി ലോകകപ്പ് ഗോൾ നേടിയ മധ്യനിര താരം ജീക്സൺ സിങ്ങാണ് മഞ്ഞക്കുപ്പായത്തിലേക്ക് എത്തുക. മിനര്‍വ പഞ്ചാബ് താരമായ ജീക്‌സന്‍ ലോണില്‍ ഇന്ത്യന്‍ ആരോസിന് വേണ്ടിയാണ് നിലവില്‍ കളിക്കുന്നത്.
മഞ്ഞപ്പടയിലേക്ക്എത്തിയതിന് ശേഷം ഐലീഗ് കളിക്കുന്നതിനായി ആരോസിലേക്ക് തന്നെ താരം മടങ്ങും. കൊളംബിയക്കെതിരെയാണ് അണ്ടർ 17 ലോകകപ്പിൽ ജെക്സൺ ഗോൾ നേടിയത്. ടൂര്‍ണമെന്റിലെ ഇന്ത്യയുടെ ഒരേയൊരു ഗോള്‍ പിറന്നത് ഈ മണിപ്പൂരി താരത്തില്‍ നിന്നായിരുന്നു.
ഓള്‍ ഇന്ത്യ ഫുട്‌ബോള്‍ ഫെഡറേഷന്റെ അണ്ടര്‍ -15, അണ്ടര്‍ 16 കിരീടങ്ങളിലേക്ക് മിനര്‍വ പഞ്ചാബിനെ എത്തിച്ചത് ജീക്‌സന്റെ മിടുക്കായിരുന്നു. ജെക്സൺ ഇപ്പോൾ ഇന്ത്യൻ അണ്ടർ 19 ടീമിന്റെ കൂടെ സെർബിയയിലാണ്.
-Advertisement-