കേരള ബ്ലാസ്റ്റേഴ്‌സ് അടുത്ത സീസണിലേക്കായി ആവനാഴിയിൽ അമ്പുകൾ നിറയ്ക്കുകയാണ്. കൊച്ചിയിലേക്ക് ഇന്ത്യൻ സൂപ്പർ താരത്തെ എത്തിക്കാൻ ബ്ലാസ്റ്റേഴ്‌സ് ശ്രമിക്കുന്നു എന്ന വാർത്തയാണ് ഇപ്പോൾ പുറത്ത് വരുന്നത്. ഐ ലീഗിൽ നേരൊക്ക എഫ്‌സിക്ക് വേണ്ടിക്കളിച്ച മാലന്‍ഗാംബ മീട്ടേയെ ആണ് മഞ്ഞപ്പട ഇപ്പോൾ ലക്‌ഷ്യം വെക്കുന്നത്. നെറോക്കയിലൂടെ കളി തുടങ്ങിയ മീട്ടേ ഇന്ത്യയിലെ എണ്ണം പറഞ്ഞ മധ്യനിര താരങ്ങളിൽ ഒരാളാണ്.
സാല്‍ഗോക്കര്‍ എസ് സി, ബെംഗളുരു എഫ് സി, മുംബൈ എന്നി ടീമുകൾക്ക് വേണ്ടി അദ്ദേഹം ബൂട്ടുകെട്ടിയിട്ടുണ്ട്. ഇന്ത്യൻ സൂപ്പർ ലീഗിൽ നോർത്ത് ഈസ്റ്റ് യുണൈറ്റഡിന് വേണ്ടി അദ്ദേഹം കളിച്ചിരുന്നു. ബ്ലാസ്റ്റേഴ്‌സിൽ നോർത്ത് ഈസ്റ്റ് താരങ്ങളെ കുത്തിനിറയ്ക്കുന്നതിൽ ആരാധകർ പരാതി ഉയർത്തിയിരുന്നു. എന്നാൽ തുടർച്ചയായി മലയാളി താരങ്ങളെ ടീമിൽ എത്തിച്ച് വിമർശനങ്ങളുടെ മുന ഒടിച്ചിരിക്കുകയാണ് ബ്ലാസ്റ്റേഴ്‌സ്.