മുൻ ബ്ലാസ്റ്റേഴ്‌സ് താരവും പരിശീലകനുമായ ഇഷ്ഫാഖ് അഹമ്മദ് കേരള ബ്ലാസ്റ്റേഴ്‌സിൽ തിരിച്ചെത്തി. ഇത്തവണ പരിശീലകന്റെ വേഷത്തിലല്ല ജമ്മു കാശ്മീർ താരം ബ്ലാസ്റ്റേഴ്‌സിൽ എത്തിയിരിക്കുന്നത്. ഇത്തവണ മാനേജ്‌മെന്റിന്റെ ഭാഗമായാണ് പഴയ മഞ്ഞപ്പടയുടെ വിങ്ങർ എത്തിയത്. ഓൾ ഇന്ത്യ ഫുട്ബോൾ ഫെഡറേഷന്റെ എ കോച്ചിംഗ് ലൈസൻസുള്ള ഇഷ്ഫാഖ് ഇതിനു മുൻപ് ബ്ലാസ്റ്റേഴ്‌സിന്റെ പരിശീലകനായും ജെംഷെഡ്പൂർ എഫ്സിയുടെ സഹ പരിശീലകനായും പ്രവർത്തിച്ചിരുന്നു.
കേരള ബ്ലാസ്റ്റേഴ്‌സിലേക്ക് താരങ്ങളെ എത്തിക്കുന്ന ചുമതലയും ഇഷ്ഫാഖിന്റേതാണ്. മഞ്ഞപ്പടയെ പാട്ടി കൂടുതൽ അടുത്തറിയുന്ന ഈ മുൻ താരത്തിന്റെ വരവ് ബ്ലാസ്റ്റേഴ്‌സ് ആരാധകർക്ക് ആശ്വാസമാണ്. അടുത്ത സീസണിൽ വമ്പൻ തിരിച്ചു വരവ് നടത്താൻ ഒരുങ്ങുകയാണ് പുതിയ സാരഥികൾക്ക് കീഴിൽ കേരള ബ്ലാസ്റ്റേഴ്‌സ്.
-Advertisement-