കേരള ബ്ലാസ്റ്റേഴ്സ് ആരാധകർക്ക് വീണ്ടും ഒരു സന്തോഷ വാർത്ത. ബ്രസീലിയൻ സൂപ്പർ സ്റ്റാർ കൊച്ചിയിലേക്ക്. ടർക്കിഷ് സൂപ്പർ ലീഗ് ക്ലബ്ബായ അലന്യസ്പോറിന്റെ ഗോളടി മെഷീൻ ബോബോയാണ് ബ്ലാസ്റ്റേഴ്സിലേക്കെത്തുന്നത്. ഒരു പ്രോപ്പർ സ്ട്രൈക്കർ ഇല്ലെന്ന ബ്ലാസ്റ്റേഴ്സ് ആരാധകരുടെ പരാതിക്ക് ഇതോടുകൂടി അവസാനമാവുകയാണ്.
സിഡ്നി എഫ്സിക്ക് വേണ്ടി A ലീഗീൽ ഗോളടിച്ച് കൂട്ടിയ ബ്രസീലിയൻ താരത്തിന്റെ വരവ് മഞ്ഞപ്പടക്ക് ഗുണം ചെയ്യും. ബ്രസീലിന്റെ U20 താരമായിരുന്ന ബോബോ എന്ന ഡേവിസൺ റൊഹേരിയോ ഡ സിൽവ കാനറികൾക്ക് വേണ്ടി 13 മത്സരങ്ങളിൽ 7 ഗോളുകളും നേടിയിട്ടുണ്ട്. സിഡ്നി എഫ്സിക്ക് പുറമേ ബെസിക്തസ്, കൊറിന്ത്യൻസ് എന്നീ ടീമുകൾക്ക് വേണ്ടിയും കളിച്ചിട്ടുണ്ട്.
ബെസിക്താസിനൊപ്പം സൂപ്പർ ല്ലിഗ്,ടർക്കിഷ് കപ്പ്,ടർക്കിഷ് സൂപ്പർ കപ്പ് എന്നിവയും അദ്ദേഹം സ്വന്തമാക്കിയിട്ടുണ്ട്. അടുത്ത സീസണിൽ ബ്ലാസ്റ്റേഴ്സിനെ വേറെ ലെവലാക്കി ഇന്ത്യൻ സൂപ്പർ ലീഗിലിറക്കാനാണ് ബ്ലാസ്റ്റേഴ്സ് മാനേജ്മെന്റിന്റെ ശ്രമം.