കൊച്ചിയിലെ ജവഹർ ലാൽ നെഹ്‌റു സ്റ്റേഡിയത്തെ മഞ്ഞക്കടലാക്കുന്ന കേരള ബ്ലാസ്റ്റേഴ്‌സിന് നഷ്ടമോ ? അതും കോടികളുടെ വമ്പൻ നഷ്ടം? ഒരിക്കലും പ്രതീക്ഷിക്കാതെ ഉത്തരമാണ് ഈ ചോദ്യവുമായി ചെന്ന ബ്ലാസ്റ്റേഴ്‌സ് ന്യൂസിന് ലഭിച്ചത്. എൺപത് കോടിയോളമാണ് കേരള ബ്ലാസ്റ്റേഴ്‌സിന്റെ മൂന്നു വർഷത്തെ നഷ്ടം. ഏറെ ആരാധകരും സ്പോണ്സർമാരും ഉണ്ടെങ്കിലും കണക്കിലെ കളികൾ ഇങ്ങനെയാണ്.
എല്ലാ ഇന്ത്യൻ സൂപ്പർ ലീഗ് ടീമുകളെയും പോലെ തുടക്കക്കാരുടെ നഷ്ടങ്ങൾ ബ്ലാസ്റ്റേഴ്‌സിന് ഉണ്ടായിരുന്നു. ആദ്യ സീസണിൽ മുപ്പത് കോടിയിലേറെയാണ് ബ്ലാസ്റ്റേഴ്‌സിന്റെ നഷ്ടം. രണ്ടാം സീസണിൽ അത് 25 കൂടിയായി കുറഞ്ഞു. കഴിഞ്ഞ സീസണിൽ ഇരുപത് കോടിയോളമാണ് ബ്ലാസ്റ്റേഴ്‌സിന്റെ നഷ്ടമെന്നു സ്ഥിതികരിക്കാത്ത റിപ്പോർട്ടുകൾ ഉണ്ട്. ടീം ഇതുവരെ കഴിഞ്ഞ വർഷത്തെ കണക്ക് പുറത്ത് വിട്ടിട്ടില്ല.
നഷ്ടക്കണക്ക് പറയാനുള്ളത് മഞ്ഞപ്പടയ്ക്ക് മാത്രമല്ല . സിനിമ താരം ജോൺ അബ്രഹാമിന്റെ ഉടമസ്ഥതിയിലുള്ള നോർത്ത്ഈസ്റ് യുണൈറ്റഡ് വൻ സാമ്പത്തിക പ്രതിസന്ധിയിലായിരുന്നു. ഈ സീസണിൽ കടം കാരണം കളിയ്ക്കാൻ സാധിക്കുമോ എന്ന് പോലും നോർത്ത്ഈസ്റ് ആരാധകർ സംശയിച്ചിരുന്നു.