കേരള ബ്ലാസ്റ്റേഴ്‌സിന്റെ സൂപ്പർ താരം ക്ലബ്ബ് വിട്ട് കൊൽക്കത്തൻ ക്ലബായ ഈസ്റ്റ് ബംഗാളിലേക്ക് പോയതിനു പിന്നാലെ മലയാളി യുവതാരത്തെ മഞ്ഞപ്പടയുടെ ഗോൾ വലകാക്കാൻ എത്തിച്ച് കേരള ബ്ലാസ്റ്റേഴ്‌സ്. കോഴിക്കോടിന്റെ ചുണക്കുട്ടൻ ഷാഹിൻ ലാൽ ആണ് കേരള ബ്ലാസ്റ്റേഴ്‌സിൽ എത്തുന്നത്.
ഇതിനു മുൻപ് ചെന്നൈയിൻ എഫ്സിക്ക് വേണ്ടിയായിരുന്നു ഷാഹിൻ കളിച്ചിരുന്നത്. മലയാളികളുടെ ആവേശമായ കേരള പ്രീമിയർ ലീഗിൽ കളിയ്ക്കാൻ ആണ് താരം ബ്ലാസ്റ്റേഴ്‌സിലെത്തുന്നത്. പൂനെ എഫ് സിക്കു വേണ്ടി പ്രീമിയർ ലീഗ് ക്ലബായ ബ്ലാക്ക്ബേൺ റോവേഴ്സിനെതിരെ കളിച്ചപ്പോൾ വിദേശ മാനേജറുടെ അടക്കം പ്രശംസ പിടിച്ചുപറ്റിയിരുന്നു ഈ യുവതാരം.
ഏറെ വൈകാതെ തന്നെ ഐ എസ് എൽ കരാറും അദ്ദേഹത്തിന് നൽകുമെന്നാണ് ബ്ലാസ്റ്റേഴ്‌സ് ന്യൂസിന് അറിയാൻ കഴിഞ്ഞത്. ചെന്നൈ സിറ്റിക്ക് വേണ്ടി ഐ ലീഗിൽ വലകാത്തിട്ടുള്ള ഷാഹിൻ പൂനെ എഫ് സിക്ക് വേണ്ടിയും ഭാരത് എഫ്സിക്ക് വേണ്ടിയും ഗ്ലോവ് അണിഞ്ഞിട്ടുണ്ട്. മുൻ വിവാ കേരള താരം കൂടിയാണ് കോഴിക്കോട്ടുകാരനായ ഷാഹിൻ ലാൽ.