ഹീറോ സൂപ്പർ കപ്പിൽ കേരള ഡെർബിയില്ല. ഗോകുലം കേരള എഫ്‌സിക്ക് ഐ ലീഗിൽ എട്ടാം സ്ഥാനത്ത് ഫിനിഷ് ചെയ്യാൻ പറ്റാതിരുന്നതോടുകൂടിയാണ് ബ്ലാസ്റ്റേഴ്‌സും ഗോകുലവും ഏറ്റുമുട്ടുന്ന കേരള ഡെർബി എന്ന മലയാളി ഫുട്ബോൾ ആരാധകരുടെ മോഹം പൊലിഞ്ഞത്.
ഐലീഗിൽ എട്ടാമത് ഫിനിഷ് ചെയ്ത ടീമുമായിട്ടായിരുന്നു കേരള ബ്ലാസ്റ്റേഴ്സ് കളിക്കേണ്ടത്‌. ഇപ്പോൾ ഇന്ത്യൻ ആരോസണ് എട്ടാം സ്ഥാനത്ത്. 17 പോയന്റുമായിട്ടാണ് ഗോകുലം കേരള ഐ ലീഗിൽ ഒൻപതാം സ്ഥാനത്ത് സീസൺ അവസാനിപ്പിച്ചത്.
പൂനെയോ ഡൽഹി ഡൈനാമോസോ ആവും ഗോകുലത്തിന്റെ എതിരാളികൾ. കേരള ബ്ലാസ്റ്റേഴ്‌സിന്റെ ആദ്യ സൂപ്പർ കപ്പ് മത്സരം മാർച്ച് 15ന് ആണ്. യോഗ്യത മത്സരത്തിൽ ജയിച്ചാൽ ബ്ലാസ്റ്റേഴ്‌സിന് പ്രീ ക്വാർട്ടറിൽ കടക്കാം.
-Advertisement-