കേരള ബ്ലാസ്റ്റേഴ്‌സിന് വീണ്ടും സമനില. പത്ത് പേരുമായി മത്സരത്തിന്റെ ഭൂരിഭാഗവും കളിച്ച നോർത്ത് ഈസ്റ്റ് യുണൈറ്റഡിനെ തകർക്കാൻ മഞ്ഞപ്പടയ്ക്കായില്ല. ബ്ലാസ്റ്റേഴ്‌സ് കിണഞ്ഞു ശ്രമിച്ചെങ്കിലും ഒരു ഗോൾ നേടാൻ പോലും സാധിച്ചില്ല. ചുവപ്പ് കണ്ടു നോർത്ത് ഈസ്റ്റ് പത്ത് പേരായി ചുരുങ്ങി.
സ്റ്റഹോനോവിചിനെ വീഴ്ത്തിയതിന് ഗുർവീന്ദർ സിംഗ് ചുവപ്പ് കണ്ടു കളം വിട്ടു. എന്നാൽ നോർത്ത് ഈസ്റ്റ് പത്ത് പേരായി ചുരുങ്ങിയെങ്കിലും ബ്ലാസ്റ്റേഴ്‌സിന് ഗോളടിക്കാൻ സാധിച്ചില്ല. വിജയത്തോടെ സീസൺ അവസാനിപ്പിക്കാം എന്ന ബ്ലാസ്റ്റേഴ്‌സിന്റെ മോഹമാണ് ഇവിടെ പൊലിഞ്ഞത്. കണ്ടക ശനി കൊണ്ടേ പോകു എന്ന് പറയുന്ന പോളാണ് ബ്ലാസ്റ്റേഴ്‌സും സമനിലയും.
ഈ സീസണിലെ ഒൻപതാം സമനിലയാണ് ബ്ലാസ്റ്റേഴ്‌സ് വഴങ്ങിയത്. 18 മത്സരങ്ങളിൽ നിന്ന് 15 പോയന്റുമായി ഇന്ത്യൻ സൂപ്പർ ലീഗിന്റെ സീസൺ ബ്ലാസ്റ്റേഴ്‌സ് അവസാനിപ്പിച്ചു.
-Advertisement-