കേരള ബ്ലാസ്റ്റേഴ്‌സിന്റെ മെസ്യുട്ട് ഓസിൽ സഹൽ അബ്ദുൾ സമദ് അവതരിച്ചു. മഞ്ഞപ്പടയുടെ ആരാധകരുടെ ഏറെ നാളത്തെ കാത്തിരിപ്പിനാണ് ഇന്നലെ അവസാനമായത്. കേരള ബ്ലാസ്റ്റേഴ്സിനായി ആദ്യ ഗോൾ നേടാൻ സഹലിനു സാധിച്ചു. കേരള പ്രീമിയർ ലീഗിലും സെക്കന്റ് ഡിവിഷനിലും അനേകം ഗോളുകൾ അടിച്ച് കൂട്ടിയ യുവതാരത്തിനു ഇന്ത്യൻ സൂപ്പർ ലീഗിൽ കന്നി ഗോൾ നേടാൻ ഏറെക്കാലം കാത്തിരിക്കേണ്ടി വന്നു.
ലോകമെമ്പാടുമുള്ള ബ്ലാസ്റ്റേഴ്‌സ് ആരാധകരെ ആവേശത്തിൽ ആഴ്ത്തിയായിരുന്നു എഴുപത്തി ഒന്നാം മിനുട്ടിലെ സഹലിന്റെ വെടിക്കെട്ട് ഷോട്ട്. ഒരു മിന്നായം പോലെ ചെന്നൈയിൻ ഗോൾ കീപ്പർ കടന്ന പന്ത് മഞ്ഞപ്പടയ്ക്ക് ഈ സീസണിലെ ആദ്യ വിജയം നേടിക്കൊടുത്തു. കേരള ബ്ലാസ്റ്റേഴ്‌സിലൂടെ ഇന്ത്യൻ ഫുട്ബാളിലേക്കുയർന്ന ഈ കണ്ണൂർകാരൻ ഇനിയും ഒട്ടേറെ നേട്ടങ്ങൾ ബ്ലാസ്റ്റേഴ്സിനൊപ്പം നേടുമെന്നുറപ്പാണ്.
-Advertisement-