കേരള ബ്ലാസ്റ്റേഴ്‌സ് ആരാധകർക്ക് ആഹ്ലാദിക്കാം. മഞ്ഞപ്പടയുടെ സ്വന്തം മെസ്യൂട്ട് ഓസിൽ സഹൽ അബ്ദുൾ സമദ് ഇന്ത്യൻ ടീമിൽ. അണ്ടർ 23 എ എഫ് സി ചാമ്പ്യൻഷിപ്പിനായുള്ള ഇന്ത്യൻ ടീമിലാണ് മഞ്ഞപ്പടയുടെ മാന്ത്രികൻ ഇടം നേടിയത്. ഏഷ്യൻ കപ്പിൽ മഞ്ഞപ്പടയുടെ മുത്തിനെ തഴഞ്ഞെങ്കിലും ഇത്തവണ പ്രതിഭയുടെ കഴിവിനെ അവഗണിക്കാൻ സെലെക്റ്റേഴ്‌സിനായില്ല.
ബ്ലാസ്റ്റേഴ്സിനായുള്ള തകർപ്പൻ പ്രകടനം ഏഷ്യൻ കപ്പിനായുള്ള ക്യാമ്പിൽ സഹൽ അബ്ദുൽ സമദിനെ എത്തിച്ചെങ്കിലും അവസാന സ്‌ക്വാഡിൽ ഇടം നേടാൻ ആയില്ല. ഇന്ന് പ്രഖ്യാപിച്ച 37 അംഗ സാധ്യതാ ടീമിൽ സഹലും ഉൾപ്പെട്ടു. ഈ സീസണിൽ ഉടനീളം കേരളത്തിന്റെ സ്വന്തം ബ്ലാസ്റ്റേഴ്സിനായി തകർപ്പൻ പ്രകടനം കാഴ്ചവെച്ച സഹൽ ടീം ഇന്ത്യക്ക് വേണ്ടിയും മികച്ച പ്രകടനം പുറത്തെടുക്കുമെന്നത് ഉറപ്പാണ്.
-Advertisement-