കേരള ബ്ലാസ്റ്റേഴ്‌സിന്റെ സൂപ്പർ താരം അനസ് എടത്തൊടിക രാജ്യാന്തര മത്സരങ്ങളിൽ നിന്നും വിരമിച്ചു. ഏഷ്യൻ കപ്പിൽ നിന്നുമുള്ള ഇന്ത്യയുടെ അപ്രതീക്ഷിതമായ പുറത്താകലിന് പിന്നാലെയാണ് ബ്ലാസ്റ്റേഴ്‌സിന്റെ പ്രതിരോധതാരം വിരമിക്കൽ പ്രഖ്യാപിച്ചത്. ഇന്ന് സാമൂഹിക മാധ്യമങ്ങൾ വഴിയാണ് അനസ് താൻ ഇന്ത്യൻ ജേഴ്സി അഴിച്ചു വെക്കുന്ന കാര്യം പുറത്ത് വിട്ടത്.
ഇന്നലെ മത്സരത്തിനിടെ അനസ് പരിക്ക് പറ്റി പുറത്ത് പോയിരുന്നു. ഇന്ത്യക്ക് വേണ്ടി 17 മത്സരങ്ങളിൽ മലയാളികളുടെ സ്വന്തം അനസ് ബൂട്ടണിഞ്ഞിട്ടുണ്ട്. അനസും ജിങ്കനും ചേർന്നുള്ള ബ്ലാസ്റ്റേഴ്‌സ് കോമ്പിനേഷൻ ഇന്ത്യൻ ഫുട്ബാളിൽ വിപ്ലവങ്ങൾ ഉണ്ടാക്കിയിരുന്നു.
-Advertisement-