ഇന്ത്യൻ സൂപ്പർ ലീഗിൽ ബ്ലാസ്റ്റേഴ്‌സിന് ഭീഷണിയായി പുതിയ ടീം വരുന്നതായി സൂചന. പുതിയൊരു ടീം വരുന്നതോടു കൂടി കിരീടപ്പോരാട്ടം ഇത്തവണ കനക്കാനാണ് സാധ്യത. ഇത്തവണ സെപ്റ്റംബർ 21ന് ആരംഭിക്കേണ്ടിയിരുന്ന ഇന്ത്യൻ സൂപ്പർ ലീഗ് നീട്ടി വെച്ചിട്ടുണ്ട്. സെപ്റ്റംബർ അവസാനമായിരിക്കും ലീഗ് ആരംഭിക്കുക എന്നാണ് ബ്ലാസ്റ്റേഴ്‌സ് ന്യൂസിന് ലഭിക്കുന്ന വിവരം. പുതിയ ടീമിന് വഴിയൊരുക്കാനാണ് ലീഗ് വൈകിപ്പിക്കുന്നത്.
കൊൽക്കത്തയിലെ കരുത്തരായ ഈസ്റ് ബംഗാൾ ഇന്ത്യൻ സൂപ്പർ ലീഗിലേക്ക് കടക്കാൻ ശ്രമിക്കാൻ തുടങ്ങിയിട്ട് കുറെ നാളായി. ഇത്തവണ ഈസ്റ്റ് ബംഗാൾ ഇന്ത്യൻ സൂപ്പർ ലീഗിൽ എത്താൻ ഉള്ള സാദ്ധ്യതകൾ കൂടുതലാണ്. പ്രീ സീസണിന് മുൻപായി ഈസ്റ്റ് ബംഗാളിന് പുതിയ സ്പോൺസർമാരെ കിട്ടിയിരുന്നു. കരുത്തരായ ഈസ്റ്റ് ബംഗാൾ വരുന്നത് കളത്തിനകത്തും പുറത്തും ബ്ലാസ്റ്റേഴ്‌സിന് ഭീഷണിയാണ്. മികച്ച ടീമും വര്ഷങ്ങളുടെ പാരമ്പര്യമുള്ള ആരാധക കൂട്ടവുമായിട്ടാണ് ഈസ്റ്റ് ബംഗാളിന്റെ വരവ്.