കേരള ബ്ലാസ്‌റ്റേഴ്‌സിനെ കണ്ടം വഴി ഓടിച്ച് പൂനെ. ഇന്ത്യൻ സൂപ്പർ ലീഗിൽ വീണ്ടും പഴങ്കഥ ആവർത്തിക്കുന്നു. ബ്ലാസ്റ്റേഴ്സ് ഒരു ഗോളിന് ആണ് പരാജയം ഏറ്റു വാങ്ങിയത്. കൊച്ചിയില്‍ സ്വന്തം കാണികള്‍ക്ക് മുന്നില്‍ നാണം കെട്ട തോൽവിയാണു ബ്ലാസ്റ്റേഴ്സ് ഏറ്റുവാങ്ങിയത്.
കളികാണാൻ ആരാധകർ ഏറെ ഇല്ലാത്തതിനാൽ തോൽവിയുടെ നാണക്കേടിൽ നിന്നും പെട്ടെന്ന് താരങ്ങൾക്ക് ഓടിയൊളിക്കാനായി.
ഇരുപതാം മിനുറ്റില്‍ മലയാളി താരം ആഷിഖ് കുരുനിയന്റെ പാസില്‍ നിന്ന് മാഴ്സലീന്യോയാണ് പൂനെയ്ക്കായി ഗോൾ നേടിയത്.
പതിവ് പോലെ അവസരങ്ങൾ സൃഷ്ട്ടിക്കുന്നതിൽ പരാജയപ്പെട്ട ബ്ലാസ്റ്റേഴ്സിന് ആദ്യ പകുതിയിൽ പൂനെയുടെ പോസ്റ്റിലേക്ക് ഒരു ഓൺ ടാർഗറ്റ് ഷോട്ട് പോലും പായിക്കാനായില്ല.38 ആം മിനുട്ടിൽ ജിങ്കന്റെ പാസിൽ നിന്നും ഡോങ്കിന് മികച്ച അവസരം ലഭിച്ചെങ്കിലും താരത്തിന്റെ ഹെഡർ പൂനെയുടെ വലയിലേക്കല്ല പകരം പുറത്തേക്കാണ് പോയത്. മത്സരം കഴിയാനായപ്പോൾ ബ്ലാസ്റ്റേഴ്സ് പലതവണ ആക്രമണങ്ങളുമായി പൂനെ ഗോള്‍ മുഖം വിറപ്പിച്ചെങ്കിലും ഒരു ഗോൾ നേടാൻ മാത്രം സാധിച്ചില്ല.