ഗോൾ കീപ്പറും ഗോളടിച്ചു, ഇന്ത്യയെ പരാജയപ്പെടുത്തി ജോർദ്ദാൻ

ഗോൾ കീപ്പറും ഗോളടിച്ചു, ഇന്ത്യയെ പരാജയപ്പെടുത്തി ജോർദ്ദാൻ.
ജോർദ്ദാനെതിരായ സൗഹൃദ മത്സരത്തിൽ ഇന്ത്യക്ക് ഞെട്ടിക്കുന്ന തോൽവി. ഒന്നിനെതിരെ രണ്ടു ഗോളുകൾക്കാണ് ഇന്ത്യയുടെ പരാജയം. ഗോൾ കീപ്പർ ഷാഫിയും ഹദ്ദാദിമാണ് ജോർദ്ദാന്റെ ഗോളടിച്ചത്. ഇന്ത്യയുടെ ആശ്വാസ ഗോൾ നേടിയത് നിഷു കുമാർ ആണ്.

ഇന്ത്യ ജോർദാൻ പോരാട്ടത്തിന്റെ ആദ്യ പകുതിയിൽ ഇന്ത്യ ഒരു ഗോളിന് പിന്നിൽ നിന്നിരുന്നു. മഴയോടും ദുരിതത്തോടും മല്ലിട്ട് കളിക്കളത്തിൽ ഇറങ്ങിയ ടീം ഇന്ത്യക്ക് വില്ലനായതും നായകനായതും ഗുർപ്രീത് സന്ധു ആണ്. ഒരു പെനാൽറ്റി സേവ് ചെയ്ത ഗുർപ്രീത് സന്ധു ഒരു ഗോൾ വഴങ്ങുകയും ചെയ്തു.

കളിയുടെ 25ആം മിനുട്ടിൽ ജോർദാൻ ഗോൾകീപ്പർ എടുത്ത കിക്ക് ഗോളായി മാറി. ഗുർപ്രീത് സന്ധുവിന്റെ പിഴവാണ് ഗോളിലേക്ക് നയിച്ചത്. ജോർദാൻ കീപ്പർ ഷാഫിയുടെ കരിയറിലെ രണ്ടാം ഗോളാണിത്. ജോർദാനിൽ വൈകി എത്തിയതിനാൽ പ്രധാന താരങ്ങൾ ഒന്നും ആദ്യ ഇലവനിൽ ഇല്ലാതെ ഇറങ്ങിയ ഇന്ത്യ സ്ട്രൈക്കറായി അനിരുദ്ധ് താപയെ ആയിരുന്നു കളിപ്പിച്ചത്.