എഫ്‌സി ഗോവയ്‌ക്കെതിരെ ഗോൾ മഴ പെയ്യിച്ച് ജംഷദ്പൂർ. ഒന്നിനെതിരെ നാല് ഗോളുകൾക്കാണ് ജംഷദ്പൂർ ഗോവയെ കണ്ഠം വഴിയോടിച്ചത്. ഇന്ത്യൻ സൂപ്പർ ലീഗ് സീസണിലെ ഗോവയുടെ ആദ്യ തോൽവിയാണിത്. ഗോവയെ പരാജയപ്പെടുത്തിയതോടെ പോയിന്റ് പട്ടികയില്‍ മൂന്നാം സ്ഥാനത്തെത്താനും ജംഷദ്പൂരിന് കഴിഞ്ഞു.
മൈക്കല്‍ സൂസൈരാജിന്റെ ഇരട്ട ഗോളുകള്‍ക്ക് പുറമേ, മെമോ, സുമീത് പാസി എന്നിവരും ജംഷദ്പൂരിന് വേണ്ടി ഗോളടിച്ചു. മൊര്‍ട്ടാഡ ഫാളാണ് ഗോവയുടെ ആശ്വാസ ഗോള്‍ നേടിയത്. ജംഷദ്പൂർ ആദ്യമായാണ് ഐ എസ് എൽ ചരിത്രത്തിൽ നാലു ഗോളുകൾ നേടുന്നത്. ഇന്നത്തെ ജയത്തോടെ നാല് തുടർ സമനിലകളിൽ നിന്ന് ജംഷദ്പൂർ വിജയപാതയിലെത്തി. ഇതുവരെ ജംഷദ്പൂർ ഈ സീസണിൽ പരാജയപ്പെട്ടിട്ടില്ല.
-Advertisement-