അപ്രതീക്ഷിതമായ നീക്കത്തിലൂടെ കേരള ബ്ലാസ്റ്റേഴ്സ്. സെക്കൻഡ് ഡിവിഷൻ ഐ-ലീഗിൽ നിന്നും കേരള ബ്ലാസ്റ്റേഴ്സ് പിന്മാറുന്നു. റിസർവ് ടീമിലെ താരങ്ങളുടെ ഭാവിയാണ് ഈ നീക്കത്തിൽ തുലാസിലായത്. കഴിഞ്ഞ വർഷത്തെ സെക്കൻഡ് ഡിവിഷനിലെ സൗത്ത് സോൺ ചാമ്പ്യന്മാരായിരുന്നു കേരള ബ്ലാസ്റ്റേഴ്സ്. ആരാധകരും താരങ്ങളും അപ്രതീക്ഷിതമായ നീക്കത്തിൽ ആശങ്കയിലാണ്.
കേരള ബ്ലാസ്റ്റേഴ്സിന് വേണ്ടി കളിക്കാമെന്ന ആഗ്രഹത്തിൽ മഞ്ഞപ്പടയിൽ എത്തിയ മലയാളികൾ ഉൾപ്പടെയുള്ള താരങ്ങൾക്ക് ബ്ലാസ്റ്റേഴ്സിന്റെ ഈ നീക്കം തിരിച്ചടിയായി. ഐ ലീഗ് സീസൺ തുടങ്ങിയ സ്ഥിതിക്ക് പുതിയ ക്ലബുകൾ കണ്ടെത്തുകയെന്നത് താരങ്ങൾക്ക് വെല്ലുവിളിയാണ്. മിക്ക റിസർവ് ടീം താരങ്ങളും വേറെ ക്ലബുകളുടെ ഓഫർ നിരസിച്ചാണ് കേരള ബ്ലാസ്റ്റേഴ്സിൽ എത്തിയത്.
-Advertisement-