ഗോകുലം കേരള എഫ്സിയുടെ ഐ ലീഗ് മത്സരങ്ങൾ ഫുട്ബോൾ ആരാധകർക്ക് ഇനി ഫ്ളവേഴ്സിലൂടെ ആസ്വദിക്കാം. സ്റ്റാർ സ്പോർട്സ് ഐ ലീഗ് മത്സരങ്ങൾ സംപ്രേക്ഷണം ചെയ്യുന്നത് ലിമിറ്റ് ചെയ്തെന്നു അറിയിച്ചതിനു പിന്നാലെയാണ് ഗോകുലത്തിന്റെ മത്സരങ്ങൾ ഫ്ളവേഴ്സിലൂടെ സംപ്രേക്ഷണം ചെയ്യുമെന്ന് ഗോകുലം അറിയിച്ചത്. കേരളത്തിൽ ഒട്ടേറെ ആരാധകരുള്ള ഗോകുലത്തിന്റെ മാച്ചുകൾ മലയാളം ചാനലിൽ കാണാമെന്നതിന്റെ ആവേശത്തിലാണ് ഫുട്ബോൾ ആരാധകർ
ഈ സീസണിൽ അൻപത് ഐലീഗ് മത്സരങ്ങൾ മാത്രമേ സംപ്രേക്ഷണം ചെയ്യുകയുള്ളൂ എന്ന് സ്റ്റാർ സ്പോർട്സ് അറിയിച്ചിരുന്നു. ഇനി മലയാളി ഫുട്ബോൾ ആരാധകർക്കു ഗോകുലത്തിന്റെ എല്ലാ മത്സരങ്ങളും മലയാളത്തിൽ കാണാം. കൊൽക്കത്തയിലെ കരുത്തരായ മോഹൻ ബഗാൻ ആണ് ആദ്യ മത്സരത്തിൽ ഗോകുലത്തിന്റെ എതിരാളികൾ.
-Advertisement-