വമോസ് അർജന്റീന !!
ക്രൊയേഷ്യൻ കടം മടക്കി അർജന്റീന ഫൈനലിലേക്ക്. എതിരില്ലാത്ത മൂന്ന് ഗോളുകൾക്കാണ് അർജന്റീന ക്രൊയേഷ്യയെ പരജയപ്പെടുത്തിയത്. മെസ്സി മാജിക് പിറന്ന മത്സരത്തിൽ ഒരു ഗോളും ഒരു ലോകോത്തര അസിസ്റ്റുമായി മെസ്സി വിശ്വരൂപമെടുത്തു. ജൂലിയൻ അല്വാരസാണ് ഇരട്ട ഗോളുകൾ നേടിയത്. കളിയുടെ ആദ്യ പകുതുയിലെ മെസ്സിയെടുത്ത പെനാൽറ്റി ലക്ഷ്യം കണ്ടപ്പോൾ തന്നെ അർജന്റീന ഫൈനൽ ഉറപ്പിച്ചെന്ന് പറയാം. അധികം വൈകാതെ വെടിക്കെട്ട് പ്രകടനവുമായി ആൽവാരെസ് അർജന്റീനക്ക് രണ്ടാം ഗോൾ നേടി നൽകി.
പിന്നീട് കളി അർജന്റീനയുടെ കയ്യിലായിരുന്നു. ക്രൊയേഷ്യയുടെ പതിനെട്ട് അടവുകളും മെസ്സിയുടെ അർജന്റീനക്ക് മുൻപിൽ നിഷ്പ്രഭം. രണ്ടാം പകുതിയിൽ ലോകകപ്പിലെ മികച്ച ഡിഫന്ററെ കാഴ്ച്ചക്കാരനാക്കി ഒരു ലോകോത്തര മെസ്സി മാജിക് അസിസ്റ്റിലൂടെ ആൽവാരെസ് അർജന്റീനക്ക് മൂന്നാം ഗോൾ നേടി നൽകി. ഫൈനലിൽ മൊറോക്കോ – ഫ്രാൻസ് സെക്കന്റ് സെമിയിലെ ജേതാവ് ഖത്തർ ലോകകപ്പ് ഫൈനലിൽ അർജന്റീനയെ നേരിടും.