ബ്രസീലിന്റെ ലോകകപ്പ് മോഹങ്ങൾ പൊലിഞ്ഞു. പെനാൽറ്റിയിൽ തോറ്റ് ബ്രസീൽ ഖത്തർ ലോകകപ്പിൽ നിന്നും പുറത്ത്. പെനാൽറ്റിയിൽ 4-2ന് ജയിച്ച് ക്രൊയേഷ്യ അട്ടിമറി വീരന്മാരായി. എക്സ്ട്രാ ടൈമിൽ മൂന്ന് മിനുട്ട് ബാക്കി നിൽക്കെ നേടിയ സമനിലയും അതിനു ശേഷം നടന്ന ഷൂട്ടൗട്ടും ആണ് ക്രൊയേഷ്യക്ക് ജയം നൽകിയത്.
നിശ്ചിത സമയത്ത് ഗോൾ രഹിതമായിരുന്നു മത്സരം. എക്സ്ട്രാ ടൈമിൽ കളി 1-1 എന്ന നിലയിൽ അവസാനിച്ചു. തുടർന്ന് പെനാൾട്ടി ഷൂട്ടൗട്ടിൽ 4-2നാണ് ക്രൊയേഷ്യ വമ്പൻ ജയം നേടിയത്. ബ്രസീലിനായി നെയ്മറും പെറ്റ്കോവിച് ക്രൊയേഷ്യക്ക് വേണ്ടീയും ഗോളടിച്ചു. ബ്രസീലിന്റെ പെനാൽറ്റി എടുത്ത റോഡ്രിഗോയും മാർക്കിനിയോസും പെനാൽറ്റി നഷ്ടമാക്കി. ഇന്ന് ഹോളണ്ടും അർജന്റീനയും തമ്മിലുള്ള മത്സരത്തിലെ വിജയികളെ ആകും ക്രൊയേഷ്യ സെമിയിൽ നേരിടുക.
-Advertisement-