കേരള ബ്ലാസ്റ്റേഴ്സിന് അഗ്നി പരീക്ഷ. ഐഎസ്എല്ലിൽ ഇന്ന് മുംബൈ എഫ്സിയാണ് കേരള ബ്ലാസ്റ്റേഴ്സിന് എതിരാളികൾ. ഇരു ടീമുകൾക്കും ഇന്ന് ജയിച്ചിരിക്കണം എന്ന അവസ്ഥയാണ്. അഞ്ചാം സ്ഥാനത്തുള്ള കേരള ബ്ലാസ്റ്റേഴ്സിന് 30 പോയന്റും മുംബൈ സിറ്റി എഫ്സിക്ക് 31 പോയന്റുമാണുള്ളത്. പ്ലേ ഓഫിൽ കടക്കാൻ ഒരു ടീമുകൾക്കും ജയം അത്യാവശ്യമാണ്.
അടുത്ത രണ്ട് മത്സരങ്ങളിൽ നിന്നും നാല് പോയന്റ് കേരള ബ്ലാസ്റ്റേഴ്സിന് നേടണം. മുബൈ സിറ്റി എഫ്സിക്ക് ശേഷം എഫ്സി ഗോവയാണ് കേരള ബ്ലാസ്റ്റേഴ്സിന്റെ എതിരാളികൾ. അതേ സമയം ഖാബ്രക്ക് ലഭിച്ച രണ്ട് മത്സരങ്ങളിലെ വിലക്ക് കേരള ബ്ലാസ്റ്റേഴ്സിന് തിരിച്ചടിയാണ്. ഖാബ്ര ഇല്ലാത്തത് കേരള ബ്ലാസ്റ്റേഴ്സ് പ്രതിരോധത്തിൽ വലിയ വിടവാണ് ഉണ്ടാക്കുക. വൈകിട്ട് 7.30ന് ആണ് കിക്കോഫ്.
-Advertisement-