കേരള ബ്ലാസ്റ്റേഴ്സ് മരണമാസ്സ്. ഐഎസ്എല്ലിൽ ഒഡീഷയും തകർന്ന് തരിപ്പണമായി. ഇന്ന് എതിരില്ലാത്ത രണ്ട് ഗോളിനാണ് കേരള ബ്ലാസ്റ്റേഴ്സ് ജയിച്ച് കയറിയത്. ഇന്നത്തെ ജയത്തോട് കൂടി ഐഎസ്എൽ പോയന്റ് നിലയിൽ ഒന്നാം സ്ഥാനത്താണ് കേരള ബ്ലാസ്റ്റേഴ്സ്. നിശുകുമാറും ഖാബ്രയുമാണ് കേരള ബ്ലാസ്റ്റേഴ്സിന്റെ ഗോളുകൾ നേടിയത്. ആദ്യ പകുതിയിൽ തന്നെ ഗോളടിക്കാൻ കേരള ബ്ലാസ്റ്റേഴ്സിനായി.
ഇടത് വിംഗിൽ മായാജാലം തീർത്ത് ജെസ്സെലിന്റെ റീപ്ലേസ്മെന്റ് നിശുകുമാറാണ് ആദ്യം ഗോളടിച്ചത്. 29ആം മിനുട്ടിൽ ഒഡീഷയുടെ വലകുലുങ്ങി. 39അം മിനുട്ടിൽ വെടിക്കെട്ട് ഹെഡ്ഡറിലൂടെ ഖബ്ര കേരള ബ്ലാസ്റ്റേഴ്സിനായി ആദ്യ ഗോളടിച്ചപ്പോൾ ലീഡ് രണ്ടായി. ഇന്ന് അടിച്ച രണ്ട് ഗോളും അടിച്ചത് പ്രതിരോധ താരങ്ങളായിരുന്നു. കേരള ബ്ലാസ്റ്റേഴ്സ് നന്നായി പ്രതിരോധിച്ചപ്പോൾ ജയം സ്വന്തമായി. 11 കളിയിൽ 20 പോയന്റുമായി ടേബിൾ ടോപ്പേഴ്സാണ് ഇപ്പോൾ കേരള ബ്ലാസ്റ്റേഴ്സ്.