ജയം തുടരാൻ മലയാളികളുടെ മഞ്ഞപ്പട ഇന്ന് ചെന്നൈയിനെതിരെ ഇറങ്ങും. ഐഎസ്എല്ലിലെ വിജയക്കുതിപ്പ് തുടരാനാണ് ചെന്നൈ ടീമിനെതിരെ മഞ്ഞപ്പട ഇറങ്ങുന്നത്. കേരള ബ്ലാസ്റ്റേഴ്സ് മുംബൈ സിറ്റിയെന്ന വമ്പൻ ടീമിനെ നേരിട്ട് ജയിച്ചതിന് പിന്നാലെയാണ് ചെന്നൈയിൻ എഫ്സിക്കെതിരെ ഇന്നതെ കളി.
ഇന്ന് ജയിച്ചാൽ മൂന്നാം സ്ഥാനത്ത് എത്താൻ കേരള ബ്ലാസ്റ്റേഴ്സിനാവും. ഇന്ത്യൻ സൂപ്പർ ലീഗിൽ ചെന്നൈയിൻ 11 പോയിന്റുമായി നാലാമതും കേരള ബ്ലാസ്റ്റേഴ്സ് 9 പോയിന്റുമായി ആറാം സ്ഥാനത്തുമാണ് നിലവിൽ ഉള്ളത്. അവസാന അഞ്ചു മത്സരങ്ങളിൽ മലയാളികളുടെ സ്വന്തം കേരള ബ്ലാസ്റ്റേഴ്സ് പരാജയം അറിഞ്ഞിട്ടില്ല.
-Advertisement-