കേരള ബ്ലാസ്റ്റേഴ്സിന് പുതിയ പരിശീലകൻ. സെർബിയൻ പരിശീലകനായ ഇവാൻ വുകമാനോവിച് ആകും മഞ്ഞപ്പടയുടെ പരിശീലകനായി എത്തുന്നത്. കേരള ബ്ലാസ്റ്റേഴ്സ് വാഗ്ദാനം ചെയ്ത കരാർ ഇവാൻ വുകമാനോവിച് അംഗീകരിച്ചു കഴിഞ്ഞു. ഏറെ വൈകാതെ ഒഫീഷ്യൽ കൺഫർമേഷൻ വരും.
കേരള ബ്ലാസ്റ്റേഴ്സ് പരിശീലകനായി എത്തുന്ന പത്താമത്തെ പരിശീലകനാകും ഇവാൻ. സൈപ്രസ് ക്ലബായ അപോളോൻ ലിമാസോളിന്റെ പരിശീലകനായാണ് അവസാനം ഇവാൻ പ്രവർത്തിച്ചത്. അതിനു മുമ്പ് സ്ലൊവേക്യൻ ക്ലബായ സ്ലോവൻ ബ്രറ്റിസ്ലാവയെ അദ്ദേഹം പരിശീലിപ്പിച്ചു.
ബെൽജിയൻ ക്ലബായ സ്റ്റാൻഡേഡ് ലിഗയെയും അദ്ദേഹം പരിശീലിപ്പിച്ചിട്ടുണ്ട്. കേരള ബ്ലാസ്റ്റേഴ്സിൽ രണ്ടു വർഷത്തെ കരാറിൽ ആകും 43കാരനായ ഇവാൻ എത്തുന്നത്. പത്താമത്തെ പരിശീലകനിലൂടെ കിരീടം നേടാനാണ് കേരള ബ്ലാസ്റ്റേഴ്സിന്റെ ശ്രമം.
-Advertisement-